Stangaveiðifélag Reykjavíkur stendur fyrir öflugu félagsstarfi.
Opin Hús
Meðal þess eru opin hús sem haldin eru fyrsta föstudag í hverjum mánuði frá desember til maí á vegum skemmtinefndar félagsins þar sem kynnt eru ársvæði vítt og breitt af landinu, veiðivörur ofl. er tengist veiði. Oftast er góð mæting á opnu húsin og eru þau ávalt auglýst á vef félagsins.
Árshátíð
Þá heldur félagið árshátíð í febrúarmánuði, sem yfirleitt er vel sótt og er ein glæsilegasta árshátíð sem haldin er hérlendis.
Fluguhnýtinganámskeið
Félagið stendur fyrir fluguhnýtinganámskeiðum og fluguhnýtingakeppnum.
Flugukastnámskeið
Í samráði við Kastklúbb Reykjavíkur og Stangaveiðifélag Hafnarfjarðar eru haldin nokkur flugukastnámskeið á hverjum vetri.
Fræðslustarf
Yfir vetrartímann býður fræðslunefnd félagsins upp á svokölluð "hnýttu-bíttu" kvöld þar sem félagsmönnum er veitt tilsögn í fluguhnýtingum, sagðar eru veiðisögur og kaffi á könnunni.
Barna- og unglingastarf Hlutiaf öflugu fræðslustarfi er barna- og unglingastarf félagsins. Mikil áhersla er lögð á það en þar er öllum félagsmönnum 18 ára og yngri boðið á ýmsar uppákomur, m.a. veiðileiðsögn um Elliðaárnar fjóra eftirmiðdaga á hverju sumri undir eftirliti reyndra veiðimanna og fleira.
