Laxveiði < Veiðisvæði

Gljúfurá í Húnaþingi

Gljúfurá í Húnaþingi

Áin vekur athygli þegar keyrt er yfir hana á þjóðvegi 1.
Í Gljúfurá er leyft að veiða á 2 stangir og eru þær seldar saman. Áin er laxveiðiá en töluverð bleikjuveiði er neðst í ánni. Nokkuð hár meðalþungi er á laxinum í Gljúfurá og þar hafa veiðst sannkallaðir stórlaxar. Veiðisvæði árinnar hefur verið lengt með fiskvegagerð og spannar nú 10 km. þannig að ekki væsir um stangirnar tvær.

Gljúfurá í Húnaþingi - Almennar upplýsingar
Staðsetning:	Húnavatnssýsla, milli Víðidals og Vatnsdals.
Veiðisvæði:	Áin öll og spannar svæðið hátt í 10 km. Aðgengi er mjög gott og fólksbílafært er með ánni
Tímabil:	1. júlí til 20. september.
Veiðileyfi:	Veitt er í tvo daga í senn og eru stangirnar tvær seldar saman
Daglegur veiðitími:	7-13 og 16-22 frá 1. júlí – 14. ágúst, en eftir það frá 7-13 og 15-21.
Fjöldi stanga:	2
Leyfilegt agn:	Fluga og maðkur (sjá nánar undir veiðireglur).
Vinsælar flugur:	Frances, Snælda, Blue Charm, Hairy Mary, Collie Dog, Black Sheep.
Veiði síðastliðið ár:	120 laxar
Umsjónaraðili:	Jón Þór Júlíusson, sími 898 2230

Veiðihús

Nýtt 55fm veiðihús er staðsett við Gljúfurá. Húsið er með fjórum tveggja manna herbergjum. Veiðimenn leggja sjálfir til hreinlætisvörur og sængurver.Veiðimenn mega koma í húsið klukkustund áður en veiði hefst og skulu hafa rýmt herbergi sín klukkustundu eftir að veiði .
Veiðibókin er í veiðihúsinu.

Leiðarlýsing að veiðihúsi

Ekinn er þjóðvegur 1 í átt að Blönduósi uns komið er að Gljúfurá mitt á milli Víðidals og Vatnsdals. Eftir að komið er yfir brúna yfir Gljúfurá liggur vegur niður með ánni og blasir veiðhúsið við.