Laxveiði < Veiðisvæði

Stóra Laxá I & II

Prenta síðu

V�nn �r H�fu�hyl Steinar kristj�ns.JPG (144866 bytes)

6. mars 2005 ellidavatn 018.jpg (39770 bytes)

6. mars 2005 ellidavatn 001.jpg (58983 bytes)

Elliðaár

Elliðaárnar eru sannkölluð perla Reykjavíkur og megum við Íslendingar vera stoltir af því að eiga jafn góða laxveiðiá og raun ber vitni í höfuðborg landsins. Veiðin í Elliðaánum hefur verið stöðug og góð undanfarin ár. Veiðin sumarið 2011 var svipuð og sumarið 2010 og skiluðu Elliðaárnar 1.147 löxum á land samanborið við 1.164 laxa 2010. Er þetta svipuð veiði og meðaltal síðustu 80 ára sem er liðlega 1140 laxar. Við vonumst til þess að góð veiði verði í Elliðaánum á komandi sumri enda hefur hófs verið gætt í veiðinni undanfarin ár. Þannig slepptu veiðimenn 258 löxum sl. sumar sem vonandi hafa skilað sér til hrygningar í haust. Seiðum hefur ekki verið sleppt í Elliðaárnar undanfarin ár og eru þær því sjálfbærar, þ.e. afkoma laxastofnsins byggir einvörðungu á seiðaframleiðslu árinnar sjálfrar. Því var kvóti tveir laxar á hálfsdagstöng og verður svo áfram.
Laxveiðiperla í miðri borg.

Stóra Laxá I & II - Almennar upplýsingar
Staðsetning:	Í miðri höfðuborginni.
Veiðisvæði:	Frá Elliðavatnsstíflu niður að ósi. Óheimilt er að veiða á eftirtöldum stöðum: Ekki má veiða nær laxastiga í Elliðavatnsstíflu en 50 metra. Sama gildir um Árbæjarstíflu og teljarann við Rafstöðina, þar sem veiði er óheimil 50 metrum fyrir ofan og neðan þessi mannvirki. Veiði er bönnuð í vesturkvísl Elliðaánna, frá Höfðabakkabrú að sjó. Í júní og eftir miðjan ágúst eru veiðisvæðin tvö og þá er veitt á fjórar stangir í ánum. Frá og með 1. júlí til og með 15. ágúst eru veiðisvæðin þrjú og veitt með sex stöngum. Tvær stangir eru á hverju svæði. Stór hluti Elliðaánna er frjálst veiðisvæði og ekki innan skiptingar. Allar nánari upplýsingar um veiðisvæði gefa veiðiverðir, en einnig eru nákvæmar upplýsingar um veiðireglur og veiðisvæði fáanlegar í veiðihúsi. Veiðimenn eru hvattir til að kynna sér veiðireglurnar vel áður en veiði hefst. Brot á veiðireglum varðar brottvikningu úr Elliðaánum.
Tímabil:	Silungsveiðitímabilið í Elliðaánum hefst 1. maí og lýkur 15. júní, en laxveiðin hefst 20. júní og stendur til og með 31. ágúst.
Veiðileyfi:	Hálfur dagur í senn.
Daglegur veiðitími:	Kl. 7.00–13.00 og 15.00–21.00 daglega.
Fjöldi stanga:	4 - 6
Leyfilegt agn:	Fluga og maðkur. Í urriðaveiði á vorin er aðeins leyfð fluguveiði.
Vinsælar flugur:	Rauð Frances, Svört Frances, Snælda.
Veiði síðastliðið ár:	1.147 laxar 2011
Umsjónaraðili:

Veiðihús

Veiðihúsið er lítið og þægilegt og notað í upphafi daglegs veiðitíma til að draga um svæði og í lok veiðitímans til að skrá afla. Þar er salernisaðstaða fyrir veiðimenn.

Leiðarlýsing að veiðihúsi

Veiðihúsið stendur í hólmanum á milli austur- og vesturkvíslarinnar, rétt ofan vegarins upp Ártúnsbrekku. Sé ekið niður Breiðholtsbraut er beygt til hægri inn á aðrein að Vesturlandsvegi. Á miðri aðreininni er beygt til hægri inn á afleggjara sem liggur að veiðihúsi.