Hítarvatn < Silungsveiði < Veiðisvæði

Hítarvatn

Hítarvatn – Frábært silungsveiðivatn á Mýrum

Mjög góð silungsveiði er í vatninu, bæði urriði og bleikja og eru dæmi þess að veiðimenn komi heim með yfir hundrað fiska eftir helgardvöl við Hítarvatn.
Veitt er með allri strandlengju vatnsins.
Svæðið er tilvalið fyrir fjölskyldur til að eyða góðri helgi saman við veiði. Mikil náttúrufegurð er við vatnið.
Athugið að í góðu veðri getur verið mikið um mý svo takið með ykkur flugnanet.

Hítarvatn - Almennar upplýsingar
Staðsetning:	Á Mýrum, 120 km frá Reykjavík.
Veiðisvæði:	Hítarvatn allt. Oft getur það borgað sig að labba inn með vatninu þar sem lækir renna í það, þar getur verið mjög góð veiði.
Tímabil:	29. maí til 31. ágúst
Veiðileyfi:	Einn eða fleiri dagar í senn frá morgni til kvölds. Hægt er að fá veiðileyfi í hálfan dag keypt á bænum Hítardal.
Daglegur veiðitími:	Frá morgni til kvölds, oft veiðist best á kvöldin.
Fjöldi stanga:	30
Leyfilegt agn:	Fluga, maðkur og spónn.
Vinsælar flugur:	Black Zulu, Butcher.
Veiði síðastliðið ár:	Nokkur þúsund silungar veiðast í Hítarvatni á hverju sumri.
Umsjónaraðili:

Veiðihús

Gott gangnamannahús með hreinlætisaðstöðu er við vatnið, í því er hægt að leigja sér gistingu gegn hóflegu gjaldi. Í húsinu eru tvö aðskilin herbergi. Í hvoru þeirra er svefnrými fyrir átta.
Húsið er leigt út af Guðrúnu Jónsdóttur og Finnboga Leifssyni á bænum Hítardal, sími 437-1883. Við vatnið er tjaldstæði og því fylgir heinlætisaðstaða í ofangreindu húsi.

Leiðarlýsing að veiðihúsi

Frá Borgarnesi að Hítarvatni eru 46 km. Ekið er út af þjóðveginum vestur á Snæfellsnes, sunnan Hítarár og haldið eftir vegi nr. 539 fram hjá bænum Hítardal.