Laxá í Laxárdal < Silungsveiði < Veiðisvæði

Laxá í Laxárdal

Þetta margrómaða veiðisvæði þarf vart að kynna fyrir íslenskum stangaveiðimönnum. Laxá ofan virkjunar er af mörgum talið eitt besta urriðasvæði landsins og þó víðar væri leitað, og þarna má finna sannkallaða paradís þeirra sem beita þurrflugu eða stunda veiðar með andstreymisaðferðum. Veiðisvæðið í Laxárdal er ekki jafn gjöfult og efra svæðið í Mývatnssveit, en meðalþyngd urriðans er góð og þar reynir á hæfni veiðimannsins, því svæðið er bæði víðfemt og torlesið augum stangaveiðimannsins. Náttúrufar og urriðastofn Laxár er einstakur og er SVFR stolt af því að geta boði félagsmönnum sínum aðgang að þessu magnaða veiðisvæði. Laxá í Laxárdal nær yfir samnefndan hluta árinnar upp að veiðimörkum Laxár í Mývatnssveit og gista veiðimenn í veiðiheimilinu að Rauðhólum. Þar er fæðis- og gistigjald krónur 9.900.-. Athugið að stöngum hefur verið fækkað og veiðitími styttur frá því sem áður var.

Laxá í Laxárdal - Almennar upplýsingar
Staðsetning:	Veiðisvæðið er í um 90 km. fjarlægð frá Akureyri, um 20 mínútna akstur frá Húsavík
Veiðisvæði:	Laxá í Laxárdal upp að veiðimörkum efra svæðisins í Mývatnssveit. Veiðimönnum ber að fylgja veiðimörkum samkvæmt veiðikortum Veiðifélags Laxár og Krákár. Athugið að viðkvæm náttúra Laxár krefst þess að veiðimenn sýni aðgát í umgengni.
Tímabil:	1. júní til og með 31. ágúst
Veiðileyfi:	Boðið er upp á bæði tveggja og þriggja daga holl yfir veiðitímann.
Daglegur veiðitími:	Frá klukkan 08.00 til 14.00 og 16.00 til 22.00. Eftir 15. ágúst er seinni vaktin frá 15.00 til 21.00.
Fjöldi stanga:	14
Leyfilegt agn:	Eingöngu fluguveiði með flugustöngum, flugulínum og fluguhjólum. Einkrækjur og tvíkrækju eru leyfðar. Kvóti er fjórir urriðar á dag, tveir á hvorum dagsparti. Veiðimönnum er skylt að sleppa smáfiski undir 35cm að lengd, og að auki eru menn hvattir til þess að sleppa hrygningafiski síðsumars.
Vinsælar flugur:	Bleik og blá, Heimasætan, Black Ghost, Peacock, Black Gnat og Krókurinn
Veiði síðastliðið ár:
Umsjónaraðili:

Veiðihús

Annað

Mikilvægt er að skrá alla veiði í veiðibók og er sérstaklega brýnt fyrir veiðimönnum að skrá aðeins einn fisk í hverja línu veiðibókarinnar.

Laxá í Laxárdal - Verðskrá 2010
Veiðidagar	Stangarfjöldi	Félagsmenn
10/6-13/6	8	23.900
19/6-25/6	6	23.900
4/7-8/7	140	25.900
11/7-14/7	10	24.900
20/7-1/8	10	21.900
Stakir dagar frá hád/hád
2/8-16/8	10	18.900
16/8-31/8	11	14.900