Silungsveiði < Veiðisvæði

Andakílsá

Prenta síðu

Andakílsá – Þrjár stangir með nýju húsi

Andakílsá er vatnsmikil bergvatnsá fellur til sjávar á ósasvæði Hvítár við Borgarfjarðarbrú, en upptök hennar eru í Skorradalsvatni. Hún rennur um Andakílsárfoss sem er virkjaður.Veiðisvæði árinnar eru tvö, lax og silungsvæði. Mörk þeirra eru við brúna á þjóðvegi 50. Laxasvæðið er ofan við brúna en silungasvæðið tekur við þar fyrir neðan. Gott veiðihús er til afnota fyrir veiðimenn.

Andakílsá - Almennar upplýsingar
Staðsetning:	Í Borgarfirði, 72 km frá Reykjavík.
Veiðisvæði:	Veiðisvæðið nær frá gömlu brú, ofan brúar á þjóðvegi 50, og niður að ósum árinnar. Svæðið er um 4 km. langt og er besti veiðitíminn á fjöru eða á meðan fellur að og frá. Tillaga að skiptingu veiðisvæðisins er í veiðihúsinu.
Tímabil:	1. apríl til 30. september.
Veiðileyfi:	Einn eða fleiri dagar í senn frá morgni til kvölds.
Daglegur veiðitími:	Veiðitíminn á silungasvæðinu er 12 tímar á dag á tímabilinu frá kl. 7 - 22. Frá og með 14. ágúst er veiðitíminn frá kl. 7 - 21.
Fjöldi stanga:	3
Leyfilegt agn:	Allt löglegt agn er leyfilegt.
Vinsælar flugur:	Kúluhausar, Peacock, Heimasæta, Grey Ghost, Teal & Black.
Veiði síðastliðið ár:
Umsjónaraðili:

Veiðihús

Veiðihúsið er mjög gott og er með þremur 2ja manna herbergjum, baði með sturtu, borðstofu og setustofu. Í húsinu er rafmagn og hiti. Í eldhúsinu eru öll helstu áhöld sem þarf til eldamennsku. Í húsinu eru sex sængur og koddar en veiðimenn koma sjálfir með sængurver, koddaver og lök eða svefnpoka. Veiðimenn mega koma í húsið einni klukkustundu eftir að veiði lýkur daginn fyrir veiðidag og skulu rýma það á sama tíma á brottfarardegi. Ræsta skal húsið rækilega fyrir brottför og taka með sér allt rusl.

Leiðarlýsing að veiðihúsi

Að Andakílsá eru 72 kílómetrar frá Reykjavík (um Hvalfjarðargöng). Ekið er sem leið liggur þjóðveg 1 í átt til Borgarness.Skömmu áður en ekið er yfir Borgarfjarðarbrúna er beygt til hægri inn Borgarfjarðarbraut (þjóðvegur nr. 50) og hún ekin sem leið liggur 7,2 kílómetra í áttina að Hvanneyri. Eftir að ekið hefur verið framhjá bænum Ytri Skeljabrekku er næsti afleggjari valinn til hægri, að bænum Innri Skeljabrekku. Rétt áður en ekið er í hlað á bænum er aftur ekið til hægri, sem leið liggur að veiðihúsi. Merki SVFR er við afleggjara að Innri Skeljabrekku og þess má geta að veiðihúsið er gult og hvitt. Annað