Langavatn < Silungsveiði < Veiðisvæði

Langavatn

Langavatn – Gott silungsveiðivatn í Borgarfirði

Langavatn er í sunnanverðum Langadal í Mýrasýslu, norðaustur af Grímsstaðamúla. Hæð þess yfir sjó er 215 metrar og vatnið er um 5,1 km að flatarmáli. Mesta dýpi vatnsins er um 36 metrar. Í það rennur Langavatnsá að norðan en Beilá að austan. Úr suðvesturhorni þess fellur Langá til suðurs. Langavatn hefur verið notað til vatnsmiðlunar og því getur yfirborðshæð þess verið nokkuð breytileg. Í vatninu er bæði bleikja og urriði og innan um leynast mjög vænir fiskar. Helstu veiðistaðir eru austarlega í vatninu við hólma sem eru fram undan leitarmannakofa við vatnið. Góðir veiðistaðir eru einnig við útfall Langár. Daglegur veiðitími er frá kl. 7 – 24 en jafnan gefur best á morgnana og á kvöldin. Í vatnið er seldur ótakmarkaður fjöldi stanga og frítt er fyrir börn og unglinga yngri en 16 ára í fylgd með fullorðnum.

Langavatn - Almennar upplýsingar
Staðsetning:	U.þ.b 98 km frá Reykjavík
Veiðisvæði:	Vatnið allt.
Tímabil:	15. júní – 30. september.
Veiðileyfi:	Fáanlegt í einn eða fleiri daga í senn.
Daglegur veiðitími:	7 – 24
Fjöldi stanga:	Ótakmarkaður
Leyfilegt agn:	Allt löglegt agn
Vinsælar flugur:	Allar smáar flugur eru vinsælar í Langavatnið. Prófið endilega Peacoc og fleiri þessháttar, kúluhausar hafa gefið vel.
Veiði síðastliðið ár:
Umsjónaraðili:

Veiðihús

Engin gisting er við Langavatn en nægt rými til að tjalda. Engin salernisaðstaða er heldur á svæðinu.

Leiðarlýsing að veiðihúsi

Til að komast að Langavatni er ekið sem leið liggur eftir þjóðvegi nr. 1 í gegnum Borgarnes að Svignaskarði og þar tekinn afleggjari á vinstri hönd upp með Gljúfurá. A fleggjarinn er 13 km langur og er oftast vel fólksbílafær en það er þó ekki verra að vera a.m.k. á 4x4 fólksbíl. Þá er einnig fært upp með Langánni.

Veiðileyfi í Langavatn eru einnig seld hjá Birnu Konráðsdóttur á Borgum.