Almennir greiðsluskilmálar

Við bókun veiðileyfis samþykkja félagsmenn og viðskiptavinir fulla greiðslu á veiðileyfinu og við bókun telst kominn á skuldbindandi samningur milli aðila.

Við afbókun endurgreiðast veiðileyfi sem hér segir:

  • Afbókanir sem berast fyrir 1. janúar, endurgreiðsla 80%
  • Afbókanir sem berast fyrir 1. febrúar, endurgreiðsla 50%
  • Afbókanir sem berast á eða eftir 1. febrúar, engin endurgreiðsla

Sé veiðileyfi ógreitt eða ekki búið að semja um greiðslu eftir 15 daga frá bókun áskilur SVFR sér rétt til að setja veiðileyfið aftur í sölu. Seljist veiðileyfið ekki í endursölu áskilur SVFR sér rétt til að innheimta veiðleyfið hjá þeim sem bókaði en greiddi ekki innan 15 daga.

Allar afbókanir verða að berast skriflega til SVFR á netfangið svfr@svfr.is frá þeim sem gerði bókunina.

Stangir eru seldar í heilu lagi, þ.e.a.s. það er er gefinn út einn sölureikningur fyrir hverja stöng og það tímabil sem henni tilheyrir. Þegar tveir veðimenn eru um stöng þurfa þeir að ákveða á hvorn veiðileyfið og sölureikningurinn er gefinn út á og skipta síðan kostnaðinum sín á milli ef þörf er á því.

Veiðileyfi þarf alltaf að greiða að fullu áður en veiði hefst. Greiðslukröfur birtast í heimabanka en einnig er hægt að greiða með greiðslukorti í gegnum vefverslun SVFR eða á skrifstofu félagsins.

Gilda frá 01.11.2019