Almennar upplýsingar

  • Staðsetning: Borgarfjörður, um 100 km frá Reykjavík.
  • Veiðisvæði: Veiðisvæðið nær frá Klaufhamarsfossi að Norðurá og er u.þ.b. 13 km langt. Hóp tilheyrir ekki veiðisvæðinu. Einnig fylgja 2 stangir í Langavatni hverju veiðileyfi.
  • Tímabil: júní til 30. september.
  • Veiðileyfi: Veitt er í tvo daga í senn, frá hádegi til hádegis, nema í opnun þegar veitt er frá morgni 25. júní til hádegis 26. júní.
  • Daglegur veiðitími: 7.00–13.00 og 16.00–22.00 en frá og með 14. ágúst kl. 7.00–13.00 og 15.00– 21.00.
  • Fjöldi stanga:
  • Leyfilegt agn: Fluga og maðkur.
  • Vinsælar flugur: Svört Frances, Rauð Frances, Sunray Shadow, Collie Dog, Gáru-túpa.
  • Meðalveiði: Um 390 laxar á ári.
  • Kvóti: Leyfilegt er að hirða 2 laxa á stöng á vakt. Skylt er að sleppa öllum laxi yfir 70 cm.
Veiðikort

Veiðihús

  • Herbergi: 4 tveggja manna herbergi, hvert með sér baðherbergi.
  • Svefnpláss: Fyrir 8 manns
  • Vöðlugeymsla:
  • Fjöldi sænga: 8

Gljúfurá hentar afar vel samstilltum hópum og fjölskyldum enda fylgir rúmgott og afar vel útbúið veiðihús með fjórum tveggja manna svefnherbergjum með baðherbergi og sturtu.

Góður sólpallur er við húsið, heitur pottur og gasgrill. Húsið er eitt það flottasta sem í boði er á svæðum þar sem veiðimenn sjá um sig sjálfir. Klósettpappír er í húsinu sem og hreinsivörur svo hægt sé að þrífa að dvöl lokinni. Hægt er að kaupa þrif. Í húsinu er bakaraofn, sjónvarp og helsti borðbúnaður fyrir að lágmarki 8 manns.

Lyklar að húsinu eru í sérstöku lyklahúsi sem opnast með kóða 7985. Fólksbílafært er að veiðihúsinu.

Veiðin

Gljúfurá er frábær þriggja stanga laxveiðiá í fögru umhverfi Borgarfjarðar. Veiðistaðir eru fjölmargir og fjölbreyttir og hentar áin afar vel fyrir bæði flugu- og maðkveiði. Þó svo að Gljúfurá henti víða vel til fluguveiða hefur stærsti hluti laxveiðinnar fengist á maðk.

Gljúfurá er liðlega 20 kílómetra löng á með afar sérstökum upptökum, en hún klýfur sig út úr farvegi Langár um tvo kílómetra fyrir neðan Langavatn. Áin er fiskgeng um 11 kílómetra upp að Klaufhamarsfossi og eru um 60 merktir veiðistaðir í ánni, hver öðrum skemmtilegri, enda fjölbreytnin eitt aðalsmerki árinnar.

Hér má skoða rafræna veiðibók fyrir Gljúfurá þar sem veiðitölur eru færðar reglulega inn. Einnig má skoða teljarann hér.

Leiðarl‎‎ýsing að veiðihúsi

Veiðihúsið er staðsett í landi Svignaskarðs u.þ.b. 20 km frá Borgarnesi. Beygt er til vinstri út af þjóðvegi 1 við Svignaskarð og síðan tekinn fyrsti afleggjari til hægri og hann ekinn alveg út á enda (4-5 mín.) og þá blasir veiðihúsið við.

Annað

Veiðireglur: Veitt er á þrjár stangir í ánni frá 25. júní til 30. september og eru stangirnar ávallt seldar saman. Tvær stangir í Langavatni fylgja hverju leyfi í Gljúfurá. Kvóti er 2 laxar á stöng á vakt. Eftir að kvóta er náð er heimilt að veiða á flugu en skylt að sleppa öllum laxi. Skylt er að sleppa öllum laxi 70 cm og stærri. Veiðimenn eru hvattir til að taka hreistursýni en góð aðstaða er til þess í vöðlu- og aðgerðarherbergi. Gott kort af ánni má prenta út af vef SVFR.