Almennar upplýsingar

  • Staðsetning: Haukadalsá rennur úr Haukadalsvatni í Hvammsfjörð, 10 km fyrir sunnan Búðardal
  • Veiðisvæði: Haukadalsá hentar einstaklega vel til fluguveiða. Veiðistaðir eru aðgengilegir og fjölbreyttir. Á svæðinu eru langar stórgrýttar breiður með jöfnu rennsli, hægrennandi breiður, þar sem ómissandi er að strippa smáar flugur hratt í vatnsyfirborðinu, auk styttri og staumharðari hylja þar sem kjörið er að beita gáruaðferðinni.
  • Tímabil: 20. júní til 17. september.
  • Veiðileyfi: Tveir eða þrír dagar í senn.
  • Daglegur veiðitími: Kl. 7.00–13.00 og 16.00–22.00 til 15. ágúst en þá fer seinni vaktin í 15:00 – 21:00. Á skiptidögum er veitt til kl. 12:00
  • Fjöldi stanga: 5
  • Leyfilegt agn: Fluga. ATH aðeins má veiða með flugustöngum, flugulínum og fluguhjólum. Ekki er leyfilegt að veiða með flotholti og flugu á kaststöngum.
  • Vinsælar flugur: Hitch og smáflugur.
  • Meðalveiði: Um 690 laxar á ári.
  • Kvóti: Leyfilegt er að taka einn lax á vakt á stöng. Skylt er að sleppa öllum laxi 70 cm og yfir.
Veiðikort

Veiðihús

  • Herbergi: 6 tveggja manna herbergi eru í boði í veiðihúsinu, en yfir þann tíma sem þjónusta er í boði í húsinu verður að hafa samráð við skrifstofu SVFR.
  • Svefnpláss: Fyrir allt að 12 manns
  • Vöðlugeymsla:
  • Fjöldi sænga: Uppábúið

Veiðihúsið er notalegt og vel búið, staðsett á árbakkanum. Það er með 6 tveggja manna herbergjum sem hvert hefur sér baðherbergi með sturtuaðstöðu. Til viðbótar er auka sturta, sauna-klefi og heitur pottur. Full þjónusta er í húsinu frá 30. júní til  3. september og kostar húsið þá 26.900 kr. á mann á sólarhring. Ef menn eru einir á stöng er greitt 3.000 kr,- aukagjald. Frá opnun til 30. júní og svo frá 1. sept og út veiðitímann eru uppábúin rúm og þrif á skiptidögum. Húsgjaldið er innifalið í verði veiðileyfa.

Veiðin

Haukadalsá hefur verið kölluð hin fullkomna fluguveiðiá. Áin er um 7,5 km löng en þó með um 40 merkta veiðistaði þannig að hér tekur hver veiðistaðurinn við af öðrum.

Í Haukadalsá finnur þú langar stórgrýttar breiður með jöfnu rennsli, straumharða strengi og allt þar á milli. Áin er kjörin fyrir flotlínu og smáar flugur og gárubragðið. Aðgengi að ánni er auðvelt og sum svæðin í göngufæri frá húsinu. Í Haukunni eru fimm stangir sem skipta með sér jafn mörgum veiðisvæðum. Kvóti er einn lax á vakt og eftir það má veiða og sleppa. Skylt er að sleppa öllum laxi yfir 70 sm. Enginn kvóti er á silungsveiði.

Leiðarl‎‎ýsing að veiðihúsi

Beygt er af þjóðvegi 1 norðan við Borgarnes inn á þjóðveg 60 í átt að Búðardal. Skammt sunnan við Búðardal, áður en keyrt er yfir brúna yfir Haukadalsá er beygt til hægri inn á veg 568 og svo strax til vinstri inn á bílaplanið við veiðihúsið.