Almennar upplýsingar

  • Staðsetning: Reykjavík
  • Veiðisvæði:
  • Tímabil: 27. júní – 22. september
  • Veiðileyfi: Heilir dagar frá morgni til kvölds
  • Daglegur veiðitími: Kl. 7.00–13.00 og 15.00–21.00 daglega
  • Fjöldi stanga: 2
  • Leyfilegt agn: Fluga og maðkur.
  • Vinsælar flugur: Frances, Snælda, Silver sheep.
  • Meðalveiði: 200 laxar síðastliðin 10 ár
  • Kvóti: 3 laxar á stöng pr dag
Veiðikort

Veiðin

Úlfarsá er frábær laxveiðiá í fögru umhverfi í landi Reykjavíkur. Áin er um 7 km löng og rennur í bugðum og sveigjum til vesturs og fellur til sjávar í Blikastaðakró. Við Vesturlandsveg skiptir áin stundum um nafn og heitir þar fyrir neðan Korpúlfsstaðaá eða Korpa. Úlfarsá er yfirleitt 10-20 metra breið, tær og ekki straumþung. Mikil vinna hefur farið í að laga til og búa til veiðistaði. Þessar lagfæringar á ánni hafa gert hana enn aðgengilegri til fluguveiða. Kvóti er þrír laxar á dag á hverja dagsstöng. Áin er algjörlega sjálfbær og engar seiðasleppingar fara þar fram.. Skylt er að taka hreistursýni af hverjum veiddum fiski sé þess óskað af veiðiverði.

Óheimilt er að veiða við teljarann í Korpu en sem nemur 50 metrum fyrir ofan og neðan teljarann.

VEIÐIHÚS

Ágætis veiðihús er við ánna, en þar er upplagt að fá sér nesti og skipuleggja veiðina, auk þess er salerni í húsinu. Veiðimenn eru beðnir um að ganga vel um veiðihúsið, ána og umhverfi hennar. Kóði til að lyklahúsi er 1939.

LEIÐARLÝSING

Veiðihúsið stendur við Blikastaðakró. Ekið er sem leið liggur upp Vesturlandsveg en beygt niður Korpúlfsstaðaveg, þaðan er beygt inn á Barðastaði og sú gata alveg niður að Korpúlfsstaðavelli. Við enda Barðastaða tekur við smá spölur á malarvegi sem liggur að veiðihúsinu.