Almennar upplýsingar

  • Staðsetning: Vesturland. Snæfellsnes, um 150 km frá Reykjavík.
  • Veiðisvæði: Laxgengt svæði árinnar nær frá ósi og upp að fossinum Rjúkanda sem jafnframt er efsti veiðistaður árinnar. Samtals er veiðivæðið um 12 km að lengd og 27 merktir veiðistaðir.
  • Tímabil: 20. júní – 15. sept.
  • Veiðileyfi: Tveggja til þriggja daga holl. Allar stangirnar seldar saman.
  • Daglegur veiðitími: Frá opnun til 15. ágúst er veitt frá 7:00 – 13:00 og svo frá 16:00 – 22:00. Frá 15. ágúst er veitt á seinni vaktinni frá 15:00 – 21:00. Ath að á skiptidögum er einungis veitt til kl. 12:00 á morgunvaktinni.
  • Fjöldi stanga: 4
  • Leyfilegt agn: Fluga.
  • Vinsælar flugur: Hitch, Frances, Collie Dog, Haugur svo einhverjar séu nefndar
  • Meðalveiði: 5 ára meðaltal 441 lax.
  • Kvóti: Kvóti er einn lax á vakt undir 70 cm. Öllum laxi 70 cm og stærri skal undantekningalaust sleppa.
Veiðikort

Veiðihús

  • Herbergi: 5 tveggja manna herbergi, hvert með sér baðherbergi.
  • Svefnpláss: Fyrir 10 manns
  • Vöðlugeymsla:
  • Full þjónusta: Já.

Veiðihúsið við Straumfjarðará stendur í landi Dals og er afleggjari að því frá þjóðveginum um Vatnaleið. Húsið var byggt árið 2005 og fellur einstaklega vel inn í mikilfenglegt landslag við ána. Í húsinu eru 5 tveggja manna herbergi, hvert með sér baðherbergi þar sem er bæði klósett og sturta. Saunaklefi er við húsið þar sem hægt er að láta þreytuna líða úr sér í lok veiðidags. Vöðlugeymsla, aðgerðarborð og laxakælir er einnig við ána og setustofa er búin arni og er öll hin huggulegasta. Full þjónusta er í húsinu allan veiðitímann.

Veiðin

Straumfjarðará er með nafntoguðustu laxveiðiám landsins og er bæði gjöful og skemmtileg veiðiá. Áin á upptök sín í fjöllunum á norðanverðu Snæfellsnesi og dregur vatn í hana úr Baulárvallarvatni og uppsprettum Köldukvíslar í Kerlingarskarði. Einnig renna fjöldi smárra lækja og áa í Straumfjarðará, eftir því sem neðar dregur. Í neðri hluta árinnar bætist nokkuð við af vatni, þar sem árnar Fáskrúð, Grímsá og Laxá í Miklaholtshreppi renna saman við ána.
Laxgengur hluti Straumfjarðarár er um 12 km og er greið leið fyrir laxinn að ganga frá ósi og upp í efsta veiðistað við fossinn Rjúkanda.

Áin hentar best til veiða með einhendum, 9 – 10 feta stöngum og flotlínum. Þó getur það reynst gott að vera með stuttar tvíhendur eða Switch stangir við suma veiðistaði.

Leiðarl‎‎ýsing að veiðihúsi

Frá Reykjavík eru um 150 km. vestur að Straumfjarðará og er ekið um Borgarnes, svo þjóðveg 54 (Snæfellsnesveg) að Vegamótum þjóðvegs 54 og 56. Þar er beygt til hægri (Vatnaleið – þjóðvegur 56) og keyrt spölkorn að bænum Dal en þar er afleggjari til vinstri tekinn og keyrt að veiðihúsinu. Afleggjarinn er merktur með skilti sem á stendur Veiðihús Straumfjarðará.